Día do Medio Ambiente 2026

 

Premer na imaxe para acceder á galería de fotos

Conmemoramos o Día Mundial do Medio Ambiente 2026, seguindo o PDI de centro, con diversas creacións artísticas feitas con materiais de refugallo, aplicando as 3R: reciclando, reducindo e reutilizando.

Seguimos querendo... concienciARTE!

Guía de verán 2026

Guía de verán 2026 de bemilladoiro

Presentamos a guía de verán 2026 que entregaremos á comunidade o último día lectivo do curso.

Unha guía que acolle lecturas e xogos para o tempo de lecer. Lecturas que atenden a diversos xéneros: narrativa, clásicos, banda deseñada, informativos...

Lecturas e xogos para este verán ou calquera día do ano.

Feliz verán lector a tod@s!

Dicionario artístico

Presentamos o libro de produción propia que se deriva do PDI Marabillarte.

Un dicionario que acolle vocabulario relacionado coas sete artes e que pasará a formar parte do oco 4 da CDU da biblioteca, producións propias, despois de ser encadernado e catalogado.

A seguir marabillándose coas sete artes!

Festival das Letras 2026

Premer na imaxe para acceder á galería de fotos

Un curso máis e como xa é tradición, celebramos o Festival das Letras 2026. Actuacións de todos os grupos-aula en relación co PDI que nos ocupa, Marabillarte, ou con Begoña Caamaño a quen se lle adica o Día das Letras Galegas.

Feliz Día das Letras Galegas, todos os días do ano!

3º_Festival das Letras: Marabillarte!

No día de onte, celebramos o Festival das Letras 2026 no cal presentamos as sete artes que acolle o PDI de centro, Marabillarte, e visionamos a peza audiovisual que creamos para o DichoLeo 2026.

Feliz Día das Letras Galegas, valorando e coidando da nosa lingua todos os días do ano.

GaliLetras 2026

Presentamos, no Mes das Letras, o libro de produción propia no que a escritura creativa: narración, poesía, banda deseñada... reforza o uso da nosa lingua nai, de recursos como a mesa de luz e de espazos como a aula croma.

Parabéns por tanta imaxinación e creatividade, un libro para... MARABILLARTE!

AS NOSAS LETRAS: Begoña Caamaño

 

Última exposición do curso, AS NOSAS LETRAS!, adicada a Begoña Caamaño homenaxeada do Día das Letras Galegas 2026.

Begoña foi xornalista, escritora e activista, mobilizándose sempre en defensa dos dereitos e das causas xustas. Muller que é imprescindible coñecer, xunto coas súas obras: Circe ou o pracer do azul e Morgana en Esmelle. Conmemorando a escritura en galego, a lectura, en palabras de Begoña Caamaño:

"Leo porque quero cambiar o mundo,

leo porque necesito facer habitable o meu mundo.

Entón, por que escribo?

Porque sentín a necesidade de me ler a min mesma”

Achegamos enlaces a recursos en liña para afondar na súa vida e obra:

• Primavera da Letras

• Seminario Galán

Ao tempo, compartimos os dez carteis que chegaron ao centro para conmemorar as Letras Galegas 2026, carteis e guía didáctica elaborada polo colexio Plurilingüe de Ribadavia que gañou o certame convocado pola Xunta coa proposta Begoña Caamaño, un camiño de sementes.

Leo anímate a... marabillarte con Begoña Caamaño!